iPhone i fundit i Apple hapet me skanimin e fytyrës së përdoruesit. Por identifikimi me anë të tipareve ngre pikëpyetje rreth privatësisë dhe sigurisë.
Në një letër publike drejtuar Drejtorit të Përgjithshëm të Apple, Tim Cook, Senatori Demokratik Al Franken shprehu shqetësimin e tij rreth përdorimit të sistemit të ri të identifikimit të fytyrës në hapjen e telefonit.
Senatori i Minesotës i kërkoi kompanisë informacione se si njohja e fytyrës do të ndikojë në privatësinë dhe sigurinë e përdoruesve të iPhone dhe si teknologjia do të njohë racat, moshat dhe gjinitë e ndryshme.
Apple tha se teknologjia për skanimin e fytyrës ka trajnuar mbi 1 miliard imazhe, por mbetet e panjohur se ku Apple mori këtë sasi të jashtëzakonshme imazhesh.
Apple (AAPL, Tech30) i ka trajtuar më parë këto rreziqe të privatësisë rreth skanimit të fytyrës. Kompania tha se të gjitha karakteristikat e fytyrës ruhen në pajisje dhe jo në i-cloud, dhe vetë pajisja mbrohet, shkruan CNN.
“Për të qartësuar miliona amerikanë që përdorin produktet tuaja, kërkoj të jepni më shumë informacion se si kompania ka menaxhuar këto çështje brenda vendit, si dhe hapat që do të ndërmerren për të mbrojtur përdoruesit”, shkroi Franken në letër.
Francon gjithashtu pyeti se si kompania do t’i përgjigjej kërkesave të zbatimit të ligjit dhe kërkoi nga Apple që t’i përgjigjet letrës deri më 13 tetor. /Tirana Today
