Senati amerikan ka votuar për të miratuar një projekt-ligj të ri prej 40 miliardë dollarësh (32 miliardë paund) për të ofruar ndihmë ushtarake dhe humanitare për Ukrainën. Është paketa më e madhe e ndihmës emergjente deri më tani për Ukrainën.
Paketa e çon ndihmën totale të SHBA-së të dërguar në Ukrainë në më shumë se 50 miliardë dollarë, duke përfshirë 6 miliardë dollarë për asistencë sigurie si trajnime, pajisje, armë dhe mbështetje.
Projektligji – i cili u miratua nga Dhoma e Përfaqësuesve me mbështetje të gjerë dypartiake më 10 maj -pritej të miratohej në fillim të kësaj jave, por u bllokua nga republikani i Kentakit Rand Paul, për një mosmarrëveshje rreth mbikëqyrjes së shpenzimeve.
Por udhëheqësi i Senatit republikan, Mitch McConnell hodhi poshtë këto shqetësime dhe u tha gazetarëve se Kongresi kishte një “përgjegjësi morale” për të mbështetur “vetëmbrojtjen e një demokracie sovrane”.
Presidenti i Ukrainës, Volodymyr Zelensky, vlerësoi paketën e ndihmës si “një kontribut të rëndësishëm të SHBA-së, për rivendosjen e paqes dhe sigurisë në Ukrainë, Evropë dhe botë”.
Burimi i lajmit: BBC. Përshtatur nga Tirana Today
