Më shumë se 50 eurodeputetëve në Parlamentin Evropian iu janë vjedhur kompjuterët, tabletët dhe sende të tjera në zyrat e tyre.
Ngjarja është regjistruar në kohën që ata ishin larg Brukselit, gjatë karantinës së koronavirusit.
Grabitësit kanë kërkuar nëpër dokumente dhe kanë thyer dollapë dhe sirtarë në zyrat e eurodeputetëve, për të marrë sende të vlefshme.
Deputeti gjerman, Nico Semsrott, tha se është i zhgënjyer nga mungesa e përgjigjes nga kompania përgjegjëse për sigurinë e PE-së, DG SAFE.
“Ky është një skandal i madh dhe nuk e di pse të gjithë po e mbyllin gojën. Ne jemi shumë të sigurt se ata [hajdutët] kërkuan nëpër të gjitha gjërat tona, pasi dukej mjaft rrëmujë”, tha ai për Politico.
Deputeti theksoi se ai kishte marrë informacion se “rreth 40 dhe 100 eurodeputetëve” iu ishin grabitur zyrat e tyre.
Semsrott paralajmëroi kolegët në lidhje për vjedhjet me një e-mail të hënën dhe postoi një video në YouTube, duke treguar sesi hajdutët kishin hapur sirtarin e tavolinës para se të përdornin një çelës brenda për të hapur një dollap të sigurt që përmbante kompjuterët. Ai tha se DG SAFE nuk i kishte paralajmëruar eurodeputetët për vjedhjet.
