Doganierët në vendkalimin kufitar të Preshevës kanë ndaluar kalimin e 22 mijë tabletave kontrabandë, të cilat me shumë gjasa kishin destinacion Serbinë.
Kontrabandimi u zbulua nga skaneri, kur autobusi u dërgua për kontroll. Mësohet se autobusi kryente linjën Ohër-Beograd, ndërsa skaneri zbuloi parregullsi gjë që solli zbulimin e sasisë së tabletave kontrabandë.
Ilaçet u gjetën në tualet, në rreth 10 qese të mëdha me mbi 800 kuti që ishin të mbuluara me garderobë dhe thasë të zbrazët.
Tek këto barëra të kontrabanduara ka nga ato që janë për qetësim që përmbajnë substanca psikoaktive si “Lexilium”, “Apaurin”, “Lorsilan” si dhe medikamente tjera si “Fero-Folic”, “Ataraex”, “Ditropan” si dhe antibiotik spray “Vioplex-T”.
