Është shtyrë seanca e planifikuar për sot për sekuestrimin e pasurive të Klement Balilit.
Shkak për shtyrjen e seancës është bërë mosformimi i trupit gjykues për këtë çështje në Gjykatën e Apelit për Krimet e Rënda. Nga ana tjetër, mësohet se edhe avokatja e Balilit ka kërkuar kohë që të njihet me provat.
Prokuroria vendosi më herët sekuestron e pasurive të Klement Balilit në një operacion që u transmetua drejtpërdrejt nga Policia e Shtetit.
Ndërkohë, vëllai i Klementit, Bashkim Balili e ka kundërshtuar sekuestron e pasurive të tij, teksa është shprehur se ai e ka ndërtuar pasurinë në mënyrë të ndershme dhe se nuk është ortak as me të vëllanë dhe as me djemtë e tij, ndërsa është shprehur më tej që nëse ka prova, të arrestohet vëllai i tij.
