Guvernatori i BSH-së, Gent Sejko, duke folur në konferencën e 3-të kombëtare etë Financave, që u mabjt sot në Tiranë, tha se rritja e kreditimit stimuloi rritjen ekonomike në 3.5 %”. Sipas tij, Banka e Shqipërisë synon krijimin e stabilitetit financiar si një ndër faktorët mbështetës të ekonomisë.
“Synimi dhe roli që ne kemi si institucion është stabiliteti financiar. Nuk mund të mbështesim ekonominë pa kredinë, pasi kredia është një ‘oksigjen’ për ekonominë. Rritja e kreditimit ka stimuluar rritjen ekonomike në 3.5 %. Reformat strukturore të ndërmarra nga BSH dhe institucionet e tjera kanë nevojë për bashkëpunim dhe kërkime. Kemi shume tema, shumë studime cilësore që janë akoma në proces. Do të vazhdojmë të bëjmë punë studimore në funksion të objektivave”, deklaroi Sejko.
I pranishëm në këtë konferencë, kryetari i KLSH-së, Bujar Leskaj tha se krijimi i një baze të fortë ligjore për përgjegjësit e dëmeve ekonomike të shkaktuara në buxhetin e shtetit, është i domosdoshëm.
“Ne gjykojmë se asnjë reformë apo proces në Shqipëri nuk do të arrijë të zbatohet plotësisht dhe të ketë sukses, madje edhe reforma në drejtësi nuk do të mund të luftojë me efektivitet korrupsionin në rast se nuk vendoset me ligj përgjegjësia për shkelësit e pronës publike”, deklaroi Leskaj.
