“Segmente të SHISH kanë punuar kundër ministrit Xhafaj”. Kjo e dhënë u përcoll nga gazetari Artan Hoxha. Në emisionin “Real Story” , ai tha se Shërbimi Informativ Kombëtar, ka vepruar për të mbledhur materiale kompromentuese ndaj Xhafaj.
Gazetari shtoi se informacionet që SHISH ka mbledhur, nuk i kanë kaluar në institucionet e tjera si në Prokurori, siç parashikon dhe ligji. Kjo lënë të kuptohet se veprimet e agjentëve kanë pasur qëllime të tjera.
Kjo shpjegon se përse agjentë të SHISH janë vënë në lëvizje, me rastin e denoncimit të Alfred Veliut, i njohur me emrin “Babale”.
“SHISH ka qenë duke mbledhur informacione inkriminuese kundër Fatmir Xhafajt. Informacioni nuk i ka kaluar institucioneve”, tha Hoxha.
I pranishëm në emision, deputeti i PD-së, Emond Spaho, deklaroi se në këtë histori nuk ka komplot kundër ministrit.
