Shkolla “Hysen Çela” ka mbledhur Këshillin Disiplinor për të marrë masë ndaj mësues që nuk pranoi në mësim nxënësin Angjelo Gjokazaj, i cili më pas u vra nga Devi Lala me një thikë.
Mësohet se Këshilli Disiplinor i shkollës profesionale ka dhënë paralajmërim për mësuesen, ndërsa kjo e fundit ka shprehur keqardhjen lidhur me ngjarjen e rëndë.
Sipas saj, 16-vjeçari kishte shkuar në shkollë 12 minuta me vonesë, ndërsa i kishte kërkuar që të vinte në shkollë me prindin:
“Sigurisht që më vjen shumë keq për atë që ndodhi. E di shumë mirë rregulloren që duhet të lajmëroja prindërit, por nuk kisha kë të lajmëroj pasi babai i tij ndodhej në Greqi ndërsa nëna në punë deri në orën 16.00. Në këto kushte i kërkova të vinte me prindërit në shkollë,” ka thënë mësuesja.
Shokët dhe shoqet e klasës kanë vendosur një kurore dhe tufa me lule në bankën e Angjelo Gjokazaj.
