Gjashtë vendet e Ballkanit Perëndimor kërkojnë t’i bashkohen familjes evropiane. Presidenti i Komisionit Evropian Jean-Claude Juncker vizitoi të gjashtë vendet javën që lamë pas. Ai e mbylli vizitën në Sofje të Bullgarisë, vend i cili po mban presidencën e radhës së Bashkimit Evropian, shkruan Tirana Today.
Në një intervistë për Euroneës, ai ka komentuar,nëse SHBA po e mbështet BE në këtë proces, duke u shprehur se çdo gjë është në dorën Bashkimit Evropian, e jo të SHBA-së, për të marrë një vendim.
Ndërsa, nuk ka lënë pa komentuar dhe hendekun që ekziston midis Lindjes dhe Perëndimit brenda BE-së, për shembull, përballë korrupsionit dhe mungesës së sundimit të ligjit. Juncker, ka thënë se këto vende duhet që me pajetët të luftojnë dhe se “Ata duhet ta bëjnë këtë dhe do ta bëjnë. Nëse jo, atëherë mbyllet një derë”.
Siguria luan një rol të madh në rajon. A jeni duke u mbështetur nga SHBA, e cila ka qenë shumë aktive në këtë rajon?
Jean-Claude Juncker, Presidenti i Komisionit Evropian: Kur bëhet fjalë për pranimin e Ballkanit Perëndimor dhe zgjerimin e BE-së, SHBA-ja nuk ka asgjë për të thënë. Është në dorën e Bashkimit Evropian, e jo të SHBA-së, për të marrë një vendim. Ne i respektojmë ato, kontributi i tyre është i mirëpritur, por nuk dua një proces që është përcaktuar kryesisht nga SHBA, sepse kjo do ta bënte Rusinë një lojtar të madh. Kjo nuk është rruga për të shkuar.
Ju thanë para parlamentit në Bosnje se patriotizmi nuk ka të bëjë fare me nacionalizmin. Kjo temë është gjithashtu e rëndësishme për BE-në. Si e shpjegoni projektin e zgjerimit për qytetarët e BE nëse ka tashmë një hendek midis Lindjes dhe Perëndimit brenda BE-së? Për shembull, përballë korrupsionit dhe mungesës së sundimit të ligjit? Ka disa probleme të tilla në Ballkan.
Jean-Claude Juncker, Presidenti i Komisionit Evropian: Patriotizmi nuk është i drejtuar kundër të tjerëve, ju e doni atdheun tuaj. Nuk ka asgjë të keqe për këtë. Lufta kundër korrupsionit është me rëndësi të madhe, lufta kundër krimit të organizuar nuk ka të bëjë me patriotizmin. Kërkojmë nga partnerët tanë në rajon që të marrin seriozisht angazhimet. Ata duhet ta bëjnë këtë dhe do ta bëjnë. Nëse jo, atëherë mbyllet një derë. TIRANA TODAY
