Mes të arrestuarve pas operacionit që çoi në kapjen e 650 kilogramëve kokainë në Livorno të Italisë është edhe një shqiptar.
Operacioni u krye nga Guardia di Finanza dhe Agjencia e Doganës në portin e Livornos. Droga e kapur ishte ndarë në 582 pako dhe e futur në 23 çanta e fshehur brenda një kontejnerin që përmbante kafe. Sipas autoriteteve italiane, kjo është sasia më e madhe e kapur në harkun kohor në dhjetë vitet e fundit.
Në pranga kanë përfunduar 5 persona, mes tyre shqiptari Dorian Petoku, i cili raportohet se mbante lidhjet me trafikantët në Brazil.
Ai bashkëpunonte me shokun e tij malazez, duke mbajtur kontakte me grupet lokale të trafikut të drogës në Brazil dhe prej aty kryenin transportin e kokainës. Nga të dhënat e para dyshohet se ata korruptonin edhe punonjësit e doganave, strategji kjo që ua lehtësonte transportin e sasisë së drogës drejt Evropës.
Droga u zbulua për shkak të erës që emetonte kontejneri ku ishte fshehur sasia rekord e kokainës.
700 kg kokainë në një udhëtim
Hetimet kanë dokumentuar se grupi kriminal kishte organizuar trafikimin e rreth 7 ton kokainë dhe do furnizonte tregjet e shitjes në Napoli dhe në Romë. Ky transport do të kryhej me një avion privat.
Malazezi Tomislav Pavlovic kishte rolin e financierit dhe paguante paratë për të korruptuar punonjësit e doganave në aeroportet e Brazilit.
