Policia Kufitare ka sekuestruar 52 kg lëndë narkotike, e dyshuar si e llojit Cannabis Sattiva, në Qafë Bot, Sarandë !
Më datë 04.04.2017, në bazë të informacioneve të marra në rrugë operative se po transportohej lëndë narkotike me kafshë në drejtim të kufirit tokësor të Greqisë, menjëherë filloi kontrolli i territorit në bashkëpunim me Policinë e Sarandës.
Nga kontrolli i zonës së Qafë Botit, pranë vendit të quajtur “Piramidat 66”, shërbimet kanë konstatuar një sasi me lëndë narkotike (52 kg), të futur në 4 çanta sportive, të cilat u sekuestruan në cilësinë e provës materiale.
Vijon bashkëpunimi edhe me policinë kufitare të shtetit grek, pasi dyshohet se autori mund të jetë fshehur në territorin e tyre.
Po punohet për kapjen e autorit.
