Pronari i një hoteli në Sarandë ka përfunduar në pranga, pas një kontrolli që është bërë në hotelin e tij.
Sipas informacioneve të policisë, Erjon Beqiri dyshohet se posedonte lëndë narkotike në hotelin e tij dhe ashtu ka rezultuar.
Gjatë kontrollit, policia ka gjetur 22.5 kilogramë lëndë narkotike, e dyshuar si Cannabis Sattiva.
Ajo ishte e fshehur në 3 thasë në dollapin e një dhome, e ndarë në 11 pako dhe e mbështjellë me qese plastike.
Policia arrestoi në flagrancë pronarin e hotelit, 32 vjeç, i cili akuzohet për veprën penale “Prodhimi dhe shitja e lëndëve narkotike”.
