Manchester United ka bërë një lëvizje mjaft interesante për të mos lejuar një kalim të Alexis Sanchez tek Manchester City. Udhëheqësit e Premierligës janë në ndjekje të kilianit prej disa muajsh, por ndërhyrja e United me një ofertë me kushte më të mira ekonomike ka bërë që Alexis të ndryshojë mendim. Jose Mourinho është i gatshëm të lërë Henrikh Mkhitaryan të shkojë në Emirates si pjesë e ndonjë marrëveshjeje për sulmuesin e Kilit. United ka bërë një ofertë zyrtare javën që lamë pas, por që ka dalë në dritë të enjten.
Lufta për të transferuar lojtarë mes United dhe Cityt ka ndodhur edhe herë të tjera më parë, si në rastin e Berbatov, Robie Van Persi dhe Samir Nasri. Por që nga 2008-ta kur drejtimin e qytetarëve e morën sheikët, pavarësisht interesimit të Djajve të kuq, City ka qenë i favorizuar.
Sanchez ka shfaqur dëshirën për tu vënë nën urdhrat e ish-trajnerit të tij tek Barcelona, Pep Guardiola. 29-vjeçari në rast se i bashkohet Manchester Cityt do të ketë të sigurt trofeun e Premier Leagues, por do të jetë edhe favorit për të triumfuar në Champions League. Vendimi i Sanchez nuk varet plotësisht nga paratë, pasi nëse do ti bashkohej PSG do të përfitonte më shumë, apo në rast se vendoste të luante në Super Ligën Kineze, Hebei China Fortune raportohej se i ofronte atij 400,000 euro në javë.
Plani i City ishte që në verë të transferonte Sanchezin si një lojtarë të lirë, por dëmtimi në gju i Gabriel Jesus bëri që Guardiola të mbetej me një sulmues, Sergio Aguero dhe kjo bëri që të kërkohej transferimi që në janar.
Por Sanchez ka qenë i lidhur me një lëvizje në Old Trafford dy herë më parë, kur ai u largua nga Udinese për Barcelonën në një marrëveshje 23 milion në 2011 dhe përsëri kur u bashkua me Arsenalin tre vjet më vonë për 31.7 milionë. United ka pasur një listë të gjatë sulmuesish, por që nuk i ka arrirë dot, duke përmendur anësorin kroat të Interit, që në verë ofruan 46 milionë euro për të bindur zikaltërit dhe nuk ia dolën.
Mourinho është ankuar se shuma që ka në dispozicion për merkato nuk është e mjaftueshme edhe pse në verë të 2016-ës kishte në dispozicion 300 milionë euro. Duke pasur parasysh diferencat e krijuara momentalisht mes Guardiolës dhe Mourinhos në kampionat,do të quhej sukses nëse ata arrinin ti merrnin nga duart yllin kilian spanjollit.
Lajmi që Mourinho është gati të heqë dorë nga shërbimet e armenit Mikhitarian nuk është më një risi. Por ata mund ta përdorin për faktin se United kur nënshkroi me atë nga Dortmund në 2016-ën. United shpreson se Arsene Wenger mund të jetë ende e interesuar për të nënshkruar me atë, edhe pse pagat e lojtarit mund të jenë pengesë. TIRANA TODAY
