Juventusi nuk ia del dot në “Luigi Ferrari” përballë një Sampdorie të etur për fitore, që mposht bardhezinjtë me rezultatin 3-2. Pas një pjese të parë të dominuar totalisht nga Juventus, por që vetë një herë arrijnë të godasin brenda kuadratit të portës dhe mbyllet me rrjeta të paprekura. Pjesa e dytë ka dhuruar spektakël dhe 5 gola, ku tre prej tyre janë shënuar nga vendasit që konfirmojnë edhe njëherë formën e lartë që janë duke kaluar.
Është sulmuesi Zapata që kalon në avantazh Sampdorian që në minutën e 52’ pas një goditje mjaft të mirë me kokë dhe mposht portierin Szczesny. Pas këtij goli priteshe një reagim nga ana e juventinëve por që nuk organizohen si duhet në finalizimin e aksioneve.
Në harkun e 10 minutave Juventus pëson edhe dy gola të tjerë, është Torreira që shënon një gol mjaft të bukur nga jashtë zone për të çuar rezultatin në 2-0 dhe më pas Ferrari që shfrytëzon mjaft mirë një top të pasuar në vijën e portës nga Quagiarella dhe e dërgon në rrjetë.
Në fundin e takimit vjen edhe reagimi i kampionëve të Italisë me anë të Higuain dhe Dybala por që nuk arrijnë të shmangin humbjen dhe kështu humbin edhe ndjekjen ndaj Napolit.
Allegri ka bërë disa ndryshime mjaft të çuditshme në këtë sfidë duke ulur në stol Dybalan, Buffone, Barzaglin dhe Alex Sandron. Një rrotacion në ekip ndoshta në momentin më të gabuar, duke ditur që Atalanta vjen nga një formë mjaft e mirë dhe renditet 6 me 26 pikë në tabelën e klasifikimit. Ndërsa Juventus mund të humbë vendin e dytë në rast se Inter arrin të mposhtë në mbrëmje Atalantën në “San Siro”.
Ndeshjet e tjera të Serie A: