Jorge Sampaoli, një trajner “kukull”. Ai nuk vendos për asgjë tek Argjentina. Listën, formacionin, skemat dhe zëvendësimet ia bëjnë te tjerët… Tek Kili tregonte vlerat e tij të vërteta si trajner dhe i bëri për vete të gjithë. Ai luante gjithmonë me skemën 3-4-3 ose 3-4-1-2. Tek Argjentina e ka ndryshuar dhe skuadra e tij nuk jep më të mirën në fushë!
Mediat kanë raportuar se në fushë për ndeshjen e parë do të zbriste Lo Celso përkrah Mascheranos dhe jo Biglia. Por duke qenë se Lo Celso pëlqen më shumë të shohë përpara, diçka e tillë nuk do t’i ketë pëlqyer veteranit Mascherano…
Zëvendësimet pastaj janë një katastrofë më vete. Ikën Biglia për Banegan, thuajse një zëvendësim kokë më kokë pa asnjë efekt surprizë në taktikë. Pastaj Pavon dhe në fund Higuian vetëm disa minuta ku s’mund të bëjë asgjë. Nëse kishte një lojtar që mund të krijonte hapësira dje për Messin ai është Dybala. Pastaj një nga ato faullet me të majtën mund edhe ta kishte çuar në portë… Por jo. Messi nuk luan dot me Dybalën. Ky është problemi!
Lista është një diskutim i bërë me kohë tashmë. Lë jashtë golashënuesin më të mirë të Serie A si Icardi, por nuk merr as Perottin, as Papu Gomezin dhe as Lamelën (pas dëmtimit të Lanzinit).
