Nga data 19 janar deri më 11 shkurt do të mbahet në Stamboll edicioni i parë i Festivalit Ndërkombëtar të Fotografisë, FotoFest.
Në këtë edicion do të prezantohen 54 projekte në formë ekspozite, ndërsa nuk mungon as ai i shqiptarit Samir Karahoda.
Ky i fundit do të sjellë projektin Centenarian, i cili paraqet portretet e grave 100-vjeçare të Kosovës, projekt ky që u ekspozua edhe në Prishtinë, në Galerinë e Ministrisë së Kulturës.
Samir Karahoda të dielën më 21 janar do të mbajë një “Artist talk” për të folur për punën dhe eksperiencën e tij si fotograf.
Në festival marrin pjesë emra të njohur botërorë, si fotografët e National Geographic Ami Vitale e Mathew Paley si dhe emra të tjerë si Abelardo Morell, Corey Arnold e Kamil Firat.
Hapja zyrtare e festivalit dhe ekspozitës do të bëhet të premten me 19 janar prej orës 19:30 në qendrën kulturore në rajonin e Zeytinburnu të Stambollit.
