Teksa prisnin ardhjen e Presidentit të SHBA-së, Joe Biden dhe liderëve të tjerë botërorë në lokacionin e sigurisë së lartë të NATO-s, në periferi të Madridit të martën, zyrtarët ndërkombëtarë dhe gazetarët u çuditën teksa panë “sallatën ruse” në krye të menusë së restorantit. Në vendin në periferi të qytetit spanjoll, ku zyrtarë ndërkombëtarë dhe gazetarë prisnin ardhjen e liderëve botërorë si presidenti amerikan Joe Biden, zyrtarët u hutuan kur gjetën pjatën e veçantë me emrin e Rusisë mbi të.
Ndërsa një përzierje me bizele, patate, karota dhe majonezë është e zakonshme në menutë e restoranteve spanjolle, prania e sallatës ruse në menu tërhoqi vëmendjen veçanërisht, sepse personalitetet anembanë globit po takoheshin në një Samit të NATO-s, në të cilin Moska pritet të etiketohet si kërcënim për sigurinë. Blloku kishte treguar më parë se do të miratonte një koncept të ri strategjik mbi luftën Rusi-Ukrainë.
“Sallata ruse në një Samit të NATO-s? Jam pak i befasuar nga kjo zgjedhje e pjatës”, tha gazetari Iñaki López për median spanjolle La Sexta.
Samiti i NATO-s u hap mes paralajmërimeve për “botën më të rrezikshme”. Në prag të Samitit vjetor të NATO-s në Madrid, kreu i aleancës së udhëhequr nga SHBA-ja u bëri thirrje vendeve anëtare që të rrisin shpenzimet e tyre ushtarake në një botë gjithnjë e më të “paparashikueshme” dhe “të rrezikshme”. Shefi i NATO-s, Jens Stoltenberg tha se lufta Rusi-Ukrainë shkaktoi një “ndryshim themelor” në qasjen e aleancës ndaj mbrojtjes. Bisedimet do të përfundojnë më 30 qershor.
Burimi i lajmit: republicworld.com. Përshtatur nga Tirana Today
