Fati i FK Tomorrit duket se do të kalojë në duart e një ndër biznesmenëve më të fuqishëm në vend, të Pëllumb Salillarit. Ai dërguar një kërkesë të qartë në bashkinë e Beratit ku kërkon të blejë klubin dhe ka një plan të qartë që ta ngrejë klubin në nivele të larta kombëtare dhe europiane. Përpos kësaj ai ka premtuar se është i gatshëm të investojë 5 milionë euro për të pasur një strukturë moderne.
Intervista me Pëllumb Salillarin. Që së shpejti mund të bëhet presidenti i Tomorit.
– Prej ditësh ka nisur një “fushatë” në lidhje me afrimin tuaj në skuadrën e Tomorit pasi shikoheni edhe si njeriu që mund ta ngrejë ketë skuadër në nivele të larta të futbollit shqiptar, por edhe atij europian. Cili është qëndrimi juaj në lidhje me ketë nisëm? Nëse ju i përgjigjeni me “PO” kësaj nisme atëherë fare keni bërë deri në këto momente. Tifozët e Tomorit janë të gjithë me sy e vesh për t’u informuar me diçka te vërtete në lidhje me këtë situate dhe ju jeni i vetmi qq mund t’i jepni zgjidhje?
P.S- Unë jam plotësisht I gatshëm qe ti përgjigjem me “PO” nismës se tifozëve. Mirëpo, duhet të presim dhe të shohim se si do të rrjedhin ngjarjet dhe si do të funksionojnë gjërat me Bashkinë e Beratit. Synimi është që të bëjmë një klub në nivelin e Skënderbeut, ku krenohet një Shqipëri e gjithë dhe jo vetëm qytetarët e Korçës. Berati ka nevojë për njerëz të ndershëm dhe biznesmen të ndershëm që të bëjnë diçka për atë qytet. Nëse Bashkia do të tregohet transparente dhe do të respektoj rregullat e lojës, atëherë te filloj menjëherë nga negociatat pasi njerëzit e mi kanë ardhur tashmë aty.
Gjithçka do të nis me stadiumin ku duhet ndërhyre që aty të luhen ndeshjet europiane dhe jo vetëm ato të kampionatit. Duhen minimalisht 3 milionë euro investim vetëm te impiantit. Më tej, ka nevojë për terrene sportive dhe ambiente të tjera në shërbim të skuadrës që kërkojnë gati 500 mijë euro. Këtu nuk po përmend stafin teknik dhe lojtarët që duhet të jenë të një kalibri të lartë dhe të garantojnë suksesin e skuadrës. Me pak fjalë, duhet minimalisht një shumë për gati 5 milion euro që klubi të funksionojë normalisht.
Unë jam i gatshëm ta hedh një vlerë të tillë monetare për qytetin tim. Dua të futem në ketë rrugë për të sjell diçka pozitive, ose në të kundërt nuk futem fare dhe ngelem i respektuar nga të gjithë.
