Pasi u raportua se Mohamed Salahu ka kërkuar largimin nga Liverpool, pas një zënke me trajnerin Jurgen Kloppit, agjenti i egjiptianit, Ramy Abbas Issa, ka mohuar këto spekulime, duke i quajtur gënjeshtra.
E përditshmja spanjolle, AS, pretendoi se 26-vjeçari Mohamed Salah u ka kërkuar drejtuesve të Liverpoolit largimin nga klubi këtë verë, për shkak të atij sherri. Real Madridi kishte shprehur edhe më herët interesim për Salah dhe ata thuhet se janë duke e mbikëqyrur situatën e egjiptianit në Liverpool dhe pritet që të bëjnë një ofertë për merkaton e verës.
Megjithatë, agjenti i Salahut e sqaroi menjëherë këtë situatë, duke u shprehur se lajmi i publikuar nga As është një gënjeshtër.
“Po flasin nga “AS” përsëri, siç po e shoh”, shkroi Ramy Abbas Issa në Twitter, duke e lidhur emrin e mediumit me fjalën angleze “ass”.
Nëse Salah del në shitje këtë verë, shumë nga klubet më të mëdha evropiane do të kërkonin ta afronin, pasi është një ndër lojtarët më të vlerësuar për momentin.
Ai i ka shënuar 22 gola në 45 ndeshej këtë sezon, shumë larg asaj performance fantastike të një viti më parë ku shënoi 44 gola në 52 ndeshje dhe përfundoi i dyti në në garën për Këpucën e Artë të Evropës, pas Lionel Messit.
Kontrata e Salah me Liverpool është e vlefshme deri më 30 qershor të vitit 2023. Ai iu bashkua klubit anglez më 1 korrik të vitit 2017, ndërsa rinovoi kontratën vetëm 1 vit më vonë, më 2 korrik të vitit 2018.
Çmimi i tij, sipas transfermarkt, besohet se është 135 milionë euro, por Liverpool do të pranon vetëm një ofertë që do ta kalonte këtë shumë.
