Salah kalon Neymarin, Kaene: Duhet të bëjë më shumë për “Topin e Artë”

Mohamed Salah po përjeton një sezon të jashtëzakonshëm, duke bërë që prej disa kohësh të eklipsojë edhe dy më të mirët e 10 viteve të fundit Ronaldo e Messi. Ai ka shënuar 43 gola këtë sezon, por Roy Keane thotë se ai duhet të bëjë diçka më shumë për t’iu bashkuar Lionel Messit e Cristiano Ronaldos në garën për “Topin e Artë”.Ish mesfushori i “Djajve të Kuq”, tha për ITV Sport: “Kam parë shumë sulmues duke luajtur mirë dhe janë krahasuar me Messin dhe Ronaldon”.“Por, mendoj se duhet që të fitoni një apo dy trofe me klubin në fund të sezonit për të shpresuar… (për Topin e Artë). Shumë sulmues, shembull si Dwight Yorke, Andy Cole etj… kanë shënuar nga 25-30 gola, por ju duhet të fitoni edhe trofe. Liverpooli nuk e ka arrit këtë ende. Nëse ata e fitojnë Ligën e Kampionëve dhe ai shënon në finale, atëherë do të nisë të besojë se mund ta rrëmbejë atë çmim. Ai duhet të bëjë diçka më shumë dhe ajo është që ta mbajë në duar trofeun e fituar me klubin”, theksoi mes tjerash Keane.Sipas asaj që shkuan media britanike Liverpool nuk do të pranojë asnjë ofertë më të vogël se 200 milionë stërlina ose më saktë 239 milionë euro, në këmbim të kartonit të sulmuesit. Dailymail shkuan se Liverpool është gati ta mbrojë nga ofertat e Real Madrid dhe të mëdhenjve të tjerë të Evropës. Interesimi i Real Madrid për Salah nuk është misterioz: tratativa ka mbetur pezull për shkak të mungesës së klauzolës së shitjes në kontratën e futbollistit në rast të prishjes para kohe të kontratës. Ndër të tjera Liverpool është duke punuar për zgjatjen e kontratës me Salah dhe padyshim edhe rritjen e pagës së tij.