Rikthimi i ish-ministrit Tahiri ka bërë bujë mediatike. Ish-deputeti i Partisë Socialiste, Eduart Ndocaj ka komentuar situatën politike në vend.
Ai u pyet për marrëdhënien e Tahirit me kryeministrin Rama në studion e Fax News. Por, Ndocaj ka guxuar teksa ka deklaruar se dyshon që ish-ministri Tahiri është në rrezik për jetën.
“Unë mendoj se ky ish-ministër është në rrezik për jetën. Nga ajo si po sillet, kjo kuptohet. Ai u tha se do të dilte në një konferencë për shtyp ditën që Ministri i Brendshëm do jepte dorëheqje, pastaj u shty. Ishte një kërcënim haptas i zotit Xhafaj, ndaj ish-ministrit të Brendshëm. Këtu qëndron edhe dyshimi im”, ka thënë Ndocaj.
Duke u ndalur tek dokumenti i publikuar nga Tahiri, lidhur me pushimin e hetimeve ndaj tij nga autoritetet italiane ai u shpreh:
“Dokumenti i tyre është fals se procesi i zotit Tahiri me Habilajt nuk është hapur akoma. Tahiri hetohet në kuadër të grupit të Habilajve, prokurori i Katanias ka kërkuar shtyrjen e procesit për në nëntor, pra akoma nuk ka fillu. Ajo që paraqiti është false”.
