Mjaft emocionuese do të jetë sfida e Beogradit edhe për mesfushorin me tipare sulmuese Suad Sahiti i cili është pjesëtarë i ekipit të Skënderbeut. Ai ka lindur në Beograd dhe ka jetuar për disa vite atje, ku edhe është formuar si futbollist. Sahiti është shprehur mjaft lumtur që është pjesë e Skënderbeut dhe që po rikthehet si kundërshtarë në vendi e lindjes përballë Partizanit. Po ashtuai ka theksuar se nuk dot luante për ndonjë ekip serb, pasi nuk është se janë në lartësinë e duhur. Kosovari është bashkuar këtë vit me korçarët dhe shpreson që ti shërbejë si një trampolinë mjaft e mirë për në klubet e mëdha euriopiane, por edhe nëse vazhdon me Skënderbeun do të ishte mjaft i kënaqur.
“Është një emocion i veçantë të kthehem në vendin e lindjes si një kundërshtarë, por që sot dëshirojë më shumë fitoren dhe shpresoj t’ia arrijmë. Unë kam lindur në Beograd dhe kam jetuar disa vite këtu, po ashtu kam edhe miq që vij i takoj shpesh. Por sonte un dua të bëj të lumtur të gjithë shqiptarët, të cilët janë në mbështetjen tonë. Jam i vetëdijshëm se sa rëndësi ka tek populli jonë një fitore në këtë transfertë. Kam jetuar në Beograd, por nuk mendoj se do të luajë ndonjëherë për ekipet serbe. Ne kemi ligat tona në Shqipëri dhe Kosovë, që kanë një nivel mjaft të lartë. Nëse do të largohem një ditë nga Skënderbeu do ta bëja për ndonjë ekipi tjetër evropian, për të luajtur në Serbi jo”, u shpreh Sahiti.
Skënderbeu luan sonte përballë Partizanit të Beogradit në raundin e katërt të grupeve në Europa League. Të dyja ekipet qëndrojnë me pikë të barabarta dhe një fitore në ndeshjen e sotme do të rriste shpresat për të kaluar grupin.
