Armando Sadiku u përfshi në një përplasje në ndeshjen e javës që lamë pas mes Levantes dhe Espanyolit. Sulmuesi kuqezi u përplas me ish-portierin e Milanit, Diego Lopezin, që për këtë të fundit rezultoi fatale dhe iu drejtua menjëherë spitalit. Por edhe Sadiku mesa duket ka pësuar një lëndim të rëndë në hundë nga kjo përplasje.
Por, sulmuesi i Levantes do të jetë i gatshëm për takimin e së dielës kundër Getafes në kuadër të La Ligas. Të hënën ishte lënë pushim, ndërsa dje është stërvitur i vetëm, për të evituar kontaktin fizik me shokët e skuadrës.
Megjithatë, lojtari është stërvitur sot me ekipin nën urdhrat e trajnerit Pako Lopez, por duke mbajtur një maskë në fytyrë, që do ta mbrojë në rast përplasjesh me kundërshtarët.
Kjo nuk është hera e parë që do ta shohim bomberin kuqezi me maskë pasi që edhe para një viti ka pasur disa paraqitje në këtë formë shkaku i një ndërhyrje kirurgjikale në hundë gjatë kohës që ishte lojtari i skuadrës zvicerane Lugano. Sadiku ka debutuar gjatë javës së kaluar në ligën e elitare spanjolle pas transferimit gjatë afatit kalimtar të janarit.
Kujtojmë që Levante ndodhet në pozita mjaft të vështira në fundin e takimit dhe rezultatet negative bënë që të shkarkohej edhe trajneri javën që lamë pas. Që të shpëtojë nga rënia Levantes i duhet të jenë të gjithë në dispozicion dhe në formë 100%.
