Bombei elbasanas, Armando Sadiku ka qenë autor i dy golave në sfidën e fituar sonte me Turqinë në Antalya, me rezultat 2-3. Pas ndeshjes ai u shpreh se në kombëtare mbizotëron një atmosferë mjaft e mirë dhe ka një mirëkuptim në fushë me lojtarët. Po ashtu vlerësoi edhe dy mbështetësit nga krahët në vijën e sulmit Roshin dhe Grezdën se ia bëjnë më të lehë të shënojë. Roshi asistoi në të dy golat e shënuar nga Sadiku në ndeshjen e sotme përballë Turqisë.
“Besimi nuk më mungon asnjë ndeshje. Gjithmonë kur futem para ndeshjes, mendoj se do shënoj. E përgatis ndeshjen në mënyrën time. Mes nesh sulmi funksionon, kam miqësi të mirë edhe jashtë fushe. Ia dimë kualitetin njëri-tjetrit. Ai mund ta driblojë gjithmonë mbrojtësin që e ndjek, dhe unë gjithmonë e shoh sepse e di që do më pasojë. Kemi lojtarë driblues në kombëtare, si Roshi e Grezda, që ma bëjnë të lehtë të shënoj.
