Një mision shumë i vështirë për djemtë kuqezi në ndeshjen e 9 të fazës kualifikuese ku përballë kanë Spanjën. Një ndeshje mjaft e vështirë ku Panucci ka zgjedhur të surprizojë duke ulur në stol disa lojtarë ‘veteranë’. Shqipëria do të luaj 5-3-2 dhe me lojtarët e rinj do të kërkojë ta kapë në befasi kundërshtarin, por edhe të mbrohet mirë pasi dihen kualitetet e ibrikëve.
Të dy ekipet kanë një numër të madh mungesash për pezullime dhe dëmtime. Trajneri Kristian Panuçi ka zgjedhur të bëjë disa ndryshime duke hedhur në fushë një skuadër me formacionin 5-3-2. Ai ka ulur në stol kapitenin Agolli dhe sulmuesin Sadiku, ndërkohë që nga fillimi e nisin Balliu, Memolla, Veseli, Grezda dhe Llullaku. Shiritin e kapitenit të kuqezinjve sot e mban portieri Etrit Berisha.
Dy risi në formacionin titullar të Spanjës për ndeshjen e sotme kundër Shqipërisë. Trajneri Lopetegui ka zbritur në fushën e lojës mbrojtësin 21-vjeçar të Sociedadit, Odriozola dhe sulmuesin Rodrigo. Ditën e djeshme ai kishte provuar Azpilikuetën në të djathtë dhe Adurizin në majën e sulmit, por në minutat e fundit vendosi të bënte këtë ndryshim për të hedhur në fushë 2 të rinj.
20:45 | SPANJË – SHQIPËRI
Spanjë (4-3-3): De Gea; Odriozola, Pike, Ramos, Hordi Alba; Saul, Koke, Tiago; Silva, Isko, Rodrigo
Trajner: Julen Lopetegui
Shqipëri (5-3-2): Berisha; Balliu, Hysaj, Ajeti, Veseli, Memolla; Xhaka, Kaçe, Memushaj; Grezda, Llullaku
Trajner: Kristian Panuçi
Gjyqtar: Aleksei Eskov (Rusi)
