Prokuroria e Krimeve të Rënda ka zgjatur me tre muaj të tjerë afatet hetimore për ish ministrin e Brendshëm Saimir Tahiri.
Afatet për Tahirin përfundojnë 17 Korrik. Mësohet se kjo shtyrje e re, diktohet nga pritja e letërporosive që Prokuroria e Krimeve të Rënda ka dërguar jashtë vendit.
Burime zyrtare bëjnë të ditur se Krimet e Rënda kanë dërguar tre letërporosi të reja drejt Italisë, dy janë dërguar në Qershor dhe një në Korrik.
Kjo është shtyrja e tretë tre mujore e hetimeve për ish-ministrin e Brendshëm. Dy të mëparshmet i takojnë Janarit dhe Prillit të këtij viti.
