Autoritetet ruse kanë vendosur ndalimin e shfaqjes së komedisë britanike ‘The death of Stalin’ (Vdekja e Stalinit) në kinematë e vendit.
Ky vendim erdhi pas një ekranizimi të rezervuar për personalitete të larta, të cilët, sipas BBC-së, nuk e pëlqyen satirën e regjisorit Armando Iannucci.
Edhe spektatorët e zgjedhur u ankuan se filmi përmbante luftë ideologjike dhe ekstremizëm, ndërsa kjo pasoi me tërheqjen e licensës së shpërndarjes së filmit,
Ministria e Kulturës tha për agjencinë Interfax se vendimi nëse filmi do të shfaqej në të ardhmen në Rusi, do të merrej më vonë. Filmi i Iannuccit është një satirë për luftën për pushtet në Moskë, që pasoi vdekjen e Stalinit në 1953-shin.
Në ekranizimin e filmit që në Britaninë e Madhe është shfaqur në muajin tetor, morën pjesë anëtarë të parlamentit e gjithashtu përfaqësues të industrisë kinematografike ruse, raporton KultPlus.
Vajza e Marshallit Zhukov që drejtoi betejën e Stalingradit në 1943-shin, u ankua se filmi parodizonte historinë e vendit dhe denigronte kujtimin e qytetarëve rusë që luftuan kundër nazistëve.
