Lideri opozitar rus, Alexei Navalny, është arrestuar sot në shtëpinë e tij pak para një proteste të paautorizuar e cila planifikohej të mbahej në Moskë, ka njoftuar bashkëshortja e tij, Yuliya Navalny.
“Alexei është arrestuar në hyrje të bllokut tonë të bainimit”,” ka shkruar Yuliya Navalny në Twitter.
Ajo gjithashtu shkruan; “Planet tona nuk kanë ndryshuar.”
Më herët, Navalny u ka bërë thirrje përkrahësve të vet që të marrin pjesë në protesta kundër korrupsionit nëpër Rusi.
Navalny pritej që të merrte pjesë në protestë në qendër të Moskës sot pas dite. Më herët, atij i ishte dhënë leje që të merrte pjesë në protestë në Sakharova Avenue, por më pas e ndryshoi zonën e protestës, duke e zhvendosur në Tverskaya Street, afër Kremlinit.
