Në mbledhjen e Këshillit të FIFA-s, që është mbajtur në Kalkuta kanë marrë disa vendime mjaft të rëndësishme, ku spikat rritja e shpërblimit të për skuadrat që do të marrin pjesë në Botërorin Rusi 2018. Fondi i përgjithshëm i përcaktuar për këtë kompeticion do të rritet me 12%, që do të thotë do kapë vlerën e 400 milion dollarëve, nga 358 milion që ishte në Botërorin Brazil 2014.
Nga kjo mbledhje u vendos që të rishiten formatet në turnetë e të rinjve, të femrave dhe të klubeve dhe aprovimi i tyre të bëhet në mbledhjen e radhës të Këshillit në Bogota. Po ashtu do të krijohet një fondacion që do të ketë të përfshirë edhe legjendat e FIFA-s. Ky fondacion do të krijojë bazat ligjore dhe institucionale për të gjitha nismat e zhvillimit social.
Tashmë edhe skuadrat që kanë fituar Kupën Interkontinentale në vitet 1960-2004, do tu njihen si titull kampion bote. Dhe do të jetë Emiratet e Bashkuara Arabe që do të organizojë Botërorin e klubeve nga 12 deri në 22 dhjetor.
