Deklarata e Tunës për Rudina Magjistarin në “Xing me Ermalin” ka shkaktuar zhurmë të madhe mediatike.
Duket se marrëdhëniet aspak të mira të Tunës me Robertin e Patrisin e kanë futur në sherr edhe këngëtaren me drejtuesen e emisionit “Rudina”. Ishte pikërisht Roberti ai që tha pak muaj më parë në emisionin e Magjistarit se nuk do të jetë në asnjë ditëlindje të familjes së vëllait, për shkak të këngëtares.
Tuna tregoi mbrëmë në “Xing me Ermalin” se ka mëri edhe ndaj moderatores, pasi teksa u pyet nëse do të shkojë në emisionin e Rudinës, ajo u shpreh:
“Asnjëherë në jetën time.E kam lënë hold on ndër minimumi 10 vite të karrierës sime dhe ashtu do ta lë dhe nja 10 vite të tjera, apo edhe 20 vite sa jam gjallë. Sepse jam e bindur që do t’i vinte shumë e mirë që të isha unë mysafire në emisionin e saj dhe ti jepja ekskluzivitetet e jetës time se sa ca….të parëndësishëm.”
Paraditen e sotme, teksa ka parë veten në të gjitha portalet, Rudina ka vendosur t’i japë një përgjigje këngëtares.
Ajo shkruan se është detyra e saj dhe fton njerëz në program prej 10 vitesh, ndërsa i vjen keq për njerëzit që e rrethojnë këngëtaren, pasi sipas Rudinës, Tuna ka shumë urrejtje në shpirt.
Në fund, Rudina e mbyll reagimin e saj duke iu drejtuar Ermalit, gjë që të lë të kuptosh se është inatosur edhe me të.
“Ermal, e do edhe ti një”, përfundon Magjistari.
Reagimi i plotë i Magjistarit:
Hej Tune darling po hakmerresh se po bëj punën time dhe ftoj në program një këngëtarë, që për rastësi është dhe kunati yt dhe që se detyron njeri të thotë atë që do?!Se s’di të më ketë ndodhur gjë tjetër me ty në jetë. Sa shumë urrejtje paske në shpirt! Keq më vjen për ato që të kanë afër, sa për programin kam, s’kam simpati personale ne i ftojmë të gjithë.Këtë punë bëjnë çdo ditë prej 10 vjetësh. Kështu ti e kupton se ç’vend zë ti në këtë gjithë histori, ku prej vitesh shoëbizi shqiptar ka nxjerrë me dhjetëra yje, ke qejf ti shohësh me talent, kulturë dhe klas.Hajt me shnet!P.s Ermal e do dhe ti një?
