Gjatë fjalës në ceremoninë e 8 Dhjetorit, deputetja Rudina Hajdari njoftoi se është gati të lërë mandati e deputetes. Vajza e heroit të demokracisë, Azem Hajdari tha se nuk është kthyer në Shqipëri për një post, por për fëmijët e saj dhe për vendin e të ardhmen e tij.
“Sheshi nuk është këtu, është te Ministria e Arsimit, ne atje duhet të shkojmë sot”-tha ajo gjatë fjalës në ceremoninë për 8 Dhjetorin.
Fjala e Hajdarit:
Të dashur vëllezër dhe motra. Unë nuk kisha parashikuar të flisja sot por kam kënaqësinë të flas para jush, dhe sot dua t’i bëj një betim tim ati, t’iu bëj një betim të rinjve se jam gati të lë mandatin për t’iu bashkuar të rinjve sot për luftën e tyre.
Nuk jam kthyer në Shqipëri për një post, por për vëllezërit e mi, për vajzën time, për të çuar amanetin e babait tim deri në fund.
Prandaj, sheshi i demokracisë sot nuk është këtu, është te Ministria e Arsimit dhe ne sot duhet të shkojmë sot t’i bashkohemi studentëve.
Falënderoj studentët e dhjetorit, por sot ka ardhur koha për një demokraci tjetër, të luftojmë dhe ta bëjmë këtë vend si gjithë Europa.
