Raundi i tretë për zgjedhjen e Presidentit përsëri dështoi, priten dhe dy të tjerë, por kryetari i grupit parlamentar të Partisë Socialiste, Gramoz Ruçi shprehet se “durimi u sos!”.
Me një gjuhë kritike ndaj PD, por pa kursyer dhe aleatin LSI, Ruçi tha se nuk ka më kohë të presim sa të bindet e djathta për dialog. Sipas kreut të grupit parlamentar, është koha që mazhoranca të tregojë veten dhe të shfrytëzojë rrugët ligjore e kushtetuese për të dalë nga situata ku ndodhet klasa politike.
Duke iu drejtuar Metës, i cili drejtonte seancën parlamentare, Ruçi i tha se PS i ka 71 vota, dhe edhe pa LSI-në mund ta zgjedhë Presidentin. Ruçi thotë se ky proces duhet të përfundojë nesër, në qoftë se nuk zgjidhet për 45 ditë, do të ketë zgjedhje të parakohshme.
