Kreu i grupit parlamentar të Partisë Socialiste, Gramoz Ruçi, i ka dërguar sot një letër zyrtare kryetarit të Kuvendit, Ilir Meta, mbi përcaktimin e kalendarit për zgjedhjen e presidentit të ri.
Sipas raportimit të “Balkan Web”, mësohet se në letër, ndër të tjera, Ruçi i ka kërkuar Metës që për këtë çështje të mbledhë edhe Konferencën e Kryetarëve.
Në këtë letër thuhej se mandati i presidentit Bujar Nishani mbaron më 24 korrik 2017, ndërsa procedurat për zgjedhjen e presidentit të ri fillojnë jo më herët se 13 prilli 2017.
Ndërkohë që ligji parashikon edhe procedurat në rastin e mbarimit të mandatit të Kuvendit aktual, i cili përfundon më 9 shtator të këtij viti.
