Elhaida Dani, rikthehet në tregun muzikor me prodhimin më të ri të saj, të titulluar “Ruby”.
Producenti i saj është Arthur Pingrey, i nominuar tri herë për çmimin e Këngës më të Mirë Origjinale.
“Kjo këngë është ndryshe nga çdo gjë që kam bërë më pare,” ka thënë ajo për faqen që kujdeset për këngëtarët e Eurovision-it. “Menaxheri më kontaktoi dhe më foli për këtë djalë shumë të talentuar që shkruan dhe këndon shumë bukur dhe që ai donte ta këndonte këtë këngë me mua”, shtoi ajo.
“Kënga është moderne, e kombinuar me pop dhe dance”, thotë ai për sajtin. “Ruby është e veçantë për mua, është shkruar në një çast kur kam qenë i shkatërruar. Punën me Elhaidën e kisha pasur në mendje gjithmonë. Ia dërgova këngën në prill dhe ajo e dashuroi.
Aktualisht Elhaida është në tur në Francë në rolin e ciganes, Esmeralda në muzikalin Notre Dame de Paris.
