Pre e hakimit ka rënë faqja online e Radio Televizionit Publik të Kosovës. Lajmin në fjalë e ka përcjellë vetë televizioni. Në njoftim thuhet se ende nuk dihet nga ka ardhur sulmi, por stafi është i angazhuar për rikthimin e faqes në normalitet.
Njoftimi i RTK-së:
Ju njoftojmë se web-faqja e Radio Televizionit Publik të Kosovës, www.rtklive.com është hakuar sot pas orës 01:00.
Aktualisht web-faqja e RTK-së është jashtë funksionit, dhe stafi i angazhuar po punon që të rikthejë faqen www.rtklive.com në funksion.
Ende s’dihet se nga ka ardhur sulmi kibernetik, i cili e ka nxjerrë jashtë funksionit faqen e RTK-së për disa orë. Ju faleminderit për mirëkuptimin.
