Rrugët e Kosovës, fatkeqësisht mund të quhen “rrugë vdekjesh”. Mesatarisht çdo tre ditë, një person humb jetën në Kosovë për shkak të aksidenteve automobilistike.
Që nga viti 2002 deri në qershor të këtij viti, janë shënuar mbi 200 mijë aksidente, ndër të cilat rreth 2 mijë me pasojë vdekjen.
Kështu, në këto 15 vjet, kanë vdekur 2201 persona si pasojë e aksidenteve rrugore, ndërsa të lënduar kanë mbetur mbi 100 mijë persona.
Të dhënat zyrtare i ka siguruar gazeta “Zëri” nga Policia e Kosovës.
Vitet me numrin më të madh të të vdekurve rezultojnë të jenë 2006-a me 178 të vdekur, 2009-a me 176 të vdekur dhe 2010 me 175 të vdekur.
