Parlamenti gjerman voton sot për tërheqjen e trupave të Bundesëehr nga një bazë ushtarake në Turqi, pas mosmarrëveshjes diplomatike gjatë të cilës Ankaraja vendosi të ndalonte deputetët gjermanë që të vizitonin bazën.
Rreth 260 trupa gjermane janë të vendosur në Incirlik, një baze ajrore që ndodhet pranë kufirit me Sirinë, në kuadër të luftës kundër grupit ekstremist të Shtetit Islamik.
Bundestagu ka vendosur të votojë për zhvendosjen e tyre në një bazë në Jordani.
Kabineti i kancelares, Angela Merkel tashmë e ka miratuar vendimin, çdo lëvizje duhet të votohet nga një shumicë e thjeshtë votash në Bundestag.
Një ndër arsyet që çoi në rritjen e tensioneve midis Turqisë e Gjermanisë, është pranimi i azilkërkuesve nga Berlini, ku përfshiheshin ushtarë dhe diplomatë turq të akuzuar nga Ankaraja për lidhje me lëvizjen gyleniste.
