Deri më tani janë konfirmuar 31 viktima, të cilët ndërruan jetë si pasojë e zjarreve që pushtuan Kaliforninë veriore.
Megjithatë, ky bilanc mund të rritet, teksa qindra persona konsiderohen të humbur. Aktualisht, rreth 8.000 zjarrfikës po punojnë për të shuar zjarret që kanë shkatërruar më shumë se 3.500 ndërtesa dhe shtëpi, si dhe shkrumbuan 69 mijë hektarë tokë, ndërsa 25 mijë persona janë zhvendosur në një vend të sigurt.
Nuk dihet ende shkaku i zjarreve që përfshinë Kaliforninë fundjavën e kaluar, ndërsa zyrtarët thonë se linjat energjetike të fryra nga erërat e forta mund të jenë shkaku.
Bilanci i rifreskuar i viktimave i bën këto zjarre më vdekjeprurësit në Kaliforni që prej vitit 1933.
