Turqia ka bërë një lëvizje të papritur vetëm 24 orë para Samitit të Bashkimit Evropian, për të shqyrtuar çështjen e përplasjes me Greqinë në Egjeun Lindor.
Mediat greke raportojnë se anija e kërkimit “Oruç Reis” ka dalë nga porti i Antalias në det, me një itinerar ende të papërcaktuar.
Anija tani ndodhet disa dhjetëra milje përballë brigjeve turke, por nuk dihet ende se cili do të jetë destinacioni i saj final.
Ndërkohë, BE pritet të zhvillojë nesër një samit për të parë nëse do t’i përgjigjet me sanksione kërcënimeve turke, ndaj Greqisë në Egjeun Lindor.
