Viti 2025 ka shënuar nëj rritje të fortë të veprimeve bankare dhe pagesave online. Banka e Shqipërisë raporton se janë kryer 28 milionë veprime në gjashtë muajt e parë. Pritet që shifrat të jenë edhe më të larta në tetor kur vendi bëhet anëtar në SEPA ku ulen me disa herë komisionet e transfertave me jashtë vendit
Pagesat online po njohin përhapje të shpejtë edhe në shqipëri. Sipas raportit të bankës së shqipërisë nga janari dhe deri në qershor janë kryer 28 milionë veprime. Vlera totale e lëvizjes financiare shkoi në 3, 474 miliardë lekë.
Kartat e debitit dhe të kreditit janë përdorur më se shumti, madje sipas institucionit qendror financiar veprimet me to po njohin rritje të shpejtë.
Në raport thuhet se janë kryer rreth 18.7 milionë pagesa me një vlerë totale prej 117 miliardë lekësh, duke reflektuar një rritje të numrit të transaksioneve me rreth 30%, si dhe një rritje në vlerë me rreth 16% krahasuar me gjashtëmujorin e parë të vitit 2024. Pagesat me karta zënë 67% të numrit total të pagesave.
Megjithatë, vlera e tyre mbetet ende në nivele më të ulëtakrahasuar me vlerën e transaksioneve të transfertave në formë letër dhe digjitale. Paralelisht, gjatë periudhës është regjistruar një rritje me rreth 23% e numrit dhe 16% e vlerës së transfertave të kreditit në formë digjitale
Anëtarësimi në sepa, ku pagesat me bankat evropiane do kenë komisione shumë më të ulëta do të sjellë një rritje edhe më të fortë të pagesave online, ndërsa dhe negociatat e anëtarësimit në BE do të ndihmojnë në shmangien e pagesave kesh përmes formalizimit të bizneseve
