Në raportin e publikuar nga INSTAT lidhur me tregtinë e jashtme të mallrave, rezulton se eksporti dhe importi kanë pësuar rritje në muajin shtator.
Por, si qëndron raporti i eksportit dhe importit të mallrave me vendet partnere?
Në muajin shtator, Shqipëria ka pasur rritje të eksporteve me Italinë (12,0 %), Kosovën me (31,2 %) dhe Spanjën me (207,2 %).
Edhe gjatë nëntëmujorit, këto tre shtete (Italia, Kosova Spanja), rezultojnë shtetet me të cilat Shqipëria ka pasur rritje më të madhe të eksporteve: Italia me (8,8 %), Kosova me (29,0 %) dhe Spanja me (126,4 %).
Vendet me të cilat eksportet kanë pasur uljen më të madhe në muajin shtator janë: Mali i Zi me (-14,5 %), Zvicra me (-37,0 %) dhe Holanda me (-51,4 %).
Ndërsa vendet me të cilat eksportet kanë pasur uljen më të madhe në nëntëmujorin e parë të vitit, janë: Zvicra me (-49,2 %), Holanda me (-4,4 %) dhe Kroacia me (-20,9 %).
Në muajin Shtator 2017, vendet me të cilët Shqipëria ka pasur rritje më të madhe të importeve, në krahasim me Shtator 2016 janë:
Italia me (13,6 %),
Greqia me (8,9 %)
Kina me (1,2 %).
Ndërsa vendet me të cilat importet kanë pasur uljen më të madhe të importeve janë:
Gjermania me (-30,1 %),
Turqia me (-0,7 %)
Spanja me (-14,9 %).
Gjatë këtij nëntëmujori, vendet me të cilët Shqipëria ka pasur rritje më të madhe të importeve, në krahasim me një vit më parë, janë:
Italia me (5,0 %),
Greqia me (12,8 %)
Turqia me (11,5 %).
Ndërsa vendet me të cilat importet kanë pasur uljen më të madhe, janë:
Gjermania me (-8,3 %),
Kina me (-5,6 %)
Franca me (-10,1 %).
Shkëmbimet tregtare me vendet e BE zënë 64,9 %, të gjithë tregtisë. Në Shtator 2017, eksportet drejt vendeve të BE-së zënë 77,8 % të eksporteve gjithsej dhe importet nga vendet e BE-së zënë 59,0 % të importeve gjithsej.
Partnerët kryesorë tregtarë janë: Italia (35,9 %), Gjermania (7,0 %), Greqia (6,7 %) dhe Kina (6,5 %).
Shkëmbimet tregtare, për nëntëmujorin 2017, me vendet e BE zënë 65,9 % të gjithë tregtisë. Në periudhën Janar–Shtator 2017, eksportet drejt vendeve të BE-së zënë 76,7 % të eksporteve gjithsej dhe importet nga vendet e BE-së zënë 61,0 % të importeve gjithsej.
Partnerët kryesorë tregtarë janë: Italia (36,3 %), Greqia (7,1 %), Gjermania (7,1 %) dhe Kina (6,4 %).
