Është evidentuar dhe neutralizuar nga Policia një rast i trafrikimit të lëndëve narkotike. Një 27-vjeçar është arrestuar pasi gjatë kontrollit në mjetin tip “Benz” u kap 1kg kanabis.
Njoftimi i Policisë:
DVP Lezhë
Vijon puna për parandalimin dhe goditjen e veprimtarisë kriminale në fushën e narkotikëve.
Evidentohet dhe goditet një tjetër rast i tentativës për trafikim të lëndëve narkotike.
Sekuestrohet lëndë narkotike cannabis sativa, bie në pranga 27- vjeçari, poseduesi i lëndës narkotike.
Në vijim të punës për parandalimin, evidentimin dhe goditjen e veprimtarisë kriminale në fushën e prodhimit dhe shitjes së lëndëve narkotike, bazuar dhe në informacionet e marra në rrugë operative se një shtetas që po qarkullonte me mjet në aksin rrugor Fushë Krujë – Shkodër, dyshohej se po transportonte lëndë narkotike, shërbimet e Policisë së DVP Lezhë organizuan punën dhe në vendin e quajtur “Rrethrrotullimi i Shëngjinit” kanë identifikuar mjetin e dyshuar dhe kanë bërë të mundur ndalimin e tij.
Gjatë kontrollit të automjetit tip “Benz” me drejtues shtetasin H. D., në bagazh është gjetur dhe sekuestruar në cilësinë e provës materiale 1 kg lëndë narkotike e dyshuar cannabis sativa.
Në vijim të veprimeve u bë arrestimi në flagrancë i shtetasit H. D., 27 vjeç, banues në Shkodër, për veprën penale “Prodhimi dhe shitja e narkotikëve”.
Vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme
