Ish-kapiteni i Kombëtares Lorik Cana ka treguar për francezen “L’Equipe”, pengjet në karrierë dhe se si sëmundja nga e cila e bëri që të braktiste futbollin. Ai më tej ka folur lidhur me vendimin e tij pë t’u larguar dhe kujton faktin që nuk fitoi dot një trofe me Marsejën.
“Ka 15, 16 muaj që e kam mbyllur me futbollin, praktikisht sapo përfunduam rrugëtimin evropian me Shqipërinë. Praktikimi i futbollit në nivele kaq të larta ishte kthyer në një profesion të rrezikshëm për mua. Kisha disa probleme shëndetësore, të cilat nuk po i kapërceja dot me kalimin e kohës. Përpara dhe pas Evropianit në Francë, kam kryer disa analiza specifike, të cilat treguan se nuk isha edhe aq mirë.
Vuaj nga një sëmundje që quhet miokardi. Është në vijimësi të një virusi të marrë më parë. Kam pasur ethe të forta dhe jam sfilitur nga sëmundja për sa i përket anës fizike. Virusi ka prekur miokardin dhe më ka provokuar një skuqje. Pas kontrolleve të specializuara, arrita të diagnostikohesha. Pas një kontrolli të mjeku panë se gjendja ishte më serioze nga ajo që mendohej. Edhe pse u ndjeva mirë, unë u ndoqa çdo tre muaj dhe mjeku nuk mund të më jepte siguri që unë mund të rifitoja aftësinë time fizike të mëparshme”, tregon Cana.
“Gjendja shëndetësore mbeti konfidenciale dhe i lejoi atij që të ishte pjesë e ndeshjeve të Evropianit. Miokarditi vazhdoi të avanconte dhe kardiologu e bindi Canën se të vazhdonte të luante, mund ta çonte në komplikime shumë serioze”, shkruan gazeta franceze.
