Zonja e Parë Melania Trump në një intervistë për “Fox News”, është shprehur se ajo do të jetë “e drejtë” me atë që bën, pavarësisht kritikave. Ajo gjithashtu nuk hesht kur është fjala për të shprehur mendimet e saj ndaj burrit të saj, Trump. Ajo ka folur një interviste ekskluzive për Fox News, me gazetarin Sean Hannity.
Hannity i kërkoi Zonjës së Parë të shpjegojë pse e përdor shpesh shprehjen “qëndro i vërtetë me vetveten” dhe çfarë do të thotë.
“Unë bëj atë që mendoj se është e drejtë. E di që do të marr kritika – nga publiku ose nga mediat – por unë do të bëj atë që është e drejtë dhe ajo që ndjej se është e drejtë për vendin dhe për popullin. Kjo është arsyeja pse them se dua të qëndroj besnike ndaj vetes dhe të dëgjoj veten, të bëj çfarë është e drejtë, dhe të jetoj çdo ditë një jetë domethënëse”.
Më tej Melania Trump është shprehur se ajo i jep këshilla të vyera burrit të saj. “Unë ndjek atë që po ndodh, dhe i jap këshilla burrit tim dhe i jap mendimin tim të ndershëm. Ndonjëherë ai më dëgjon dhe nganjëherë nuk më dëgjon”.
Më pas Hannity i vuri në dukje se çifti përballet në daljet publike me “siklete të ndryshme”, dhe ajo: “Unë nuk pajtohem me tonin e tij nganjëherë dhe i them atij.”
Zonja e parë gjithashtu foli edhe për vështirësitë të cilat ajo hasi kur u fut në fillim në Shtëpinë e Bardhë.
Ajo i quajti “oportunistët”, duke specifikuar komedianët, gazetarët dhe të tjerët që ajo thoshte se “përdorin emrin e saj ose familjen e saj për të promovuar veten”.
“Të lëndon kjo situatë?” Pyeti Hannity.
“Nuk më lëndon. Problemi është se ata po shkruajnë histori që nuk janë të vërteta”, tha ajo./Përshtati: Tirana Today/
