Ai u cilësua si pasardhësi i “fenomenit”, por që mund të bënte edhe më shumë se ai. Por jeta u tregua shumë e “egër” me të, bëhet fjalë për Adrianon. Ylli i Interit ka treguar një histori mjaft të ndjeshme për revistën braziliane R7. “Perandori” ka treguar disa detaje rreth varësisë së tij ndaj alkoolit, probleme të cilat shkatërruan karrierën e tij dhe shpërthimin final me fanellën e Interit.
“Vetëm unë e di sa kam vuajtur ne atë kohë. Vdekja e babait tim më ka lënë një boshllëk super të madh në qenien time. Përfundova duke u ndjerë shumë i vetëm. Pas vdekjes së tij mu rrëzua e gjithë bota. U izolova. Në Itali ndihesha vetëm, i trishtuar, në depresion dhe fillova te pi alkool.
Ndihesha i lumtur vetëm kur pija alkool. E bëja çdo natë. Pija çdo gjë që më vinin përpara: verë, whisky, vodka, birrë. Shume birrë. Nuk ndala së piri alkool dhe në fund mu desh të largohem nga Interi,” rrëfen Adriano.
Zikaltërit dhanë gjithçka për ta ndihmuar “Perandorin”, por ishte e pamundur. Edhe përpjekjet e Zanettit dhe ish-presidentit Moratti nuk shërbyen për asgjë. Ja si vazhdon më tej Adriano:
“Nuk dija si ta ndaloja e nuk dija as si ta fshehja. Shkoja i dehur në stërvitje në mëngjes. U prezantoja në qendrën stërvitore në Appiano Gentile edhe pse isha totalisht i dehur. Tek Interi më mernin dhe më çonin të flija në infermieri ose në palestër dhe shtypit i thonin se po stërvitet në palestër se ka probleme muskulore.
Interi bëri gjithçka për mua, por fatkeqësisht problemi ishte diku tjetër. E kuptova vonë që problemin e kishin personat që më rrethonin. Ata më flisnin vetëm për festa, femra dhe alkool. Pa u menduar fare për asgjë. Duke u rikthyer në Brazil hoqa dorë nga milionat por gjeta lumturinë time,” përfundon ai.
