Vitet e fundit Partizani është përfshirë në një “kaos”, pasi shumë trajnerë janë shkarkuar dhe nuk kanë arritur të qëndrojnë në luftën për titull deri në fundin e kampionatit.
“Pas një ndeshje që zhvilluam me Shqipërinë U-21 në Portugali në vitin e trazirave 1997, ku më pas vendosa të vazhdoj karrierën atje. Pasi në Shqipëria e asaj kohe nuk ta jepte mundësinë”, shprehet Dalipi.
Trajnerë dhe drejtorë teknikë iknin e vinin, por vetëm një emër ishte ai që qëndronte gjithmonë me klubin; ishte zv.trajneri Klevis Dalipi.
Dalipi është një djalë elbasanas që zgjodhi të lërë Shqipërinë në vitet e trazirave të 97-ës, për të ndjekur ëndrrën e tij futbollin në Portugali.
Aty vazhdon një karrierë 7 vjeçare ku kulmin e arrin tek ekipi i Superligës, Santa Clara. Pas rikthimit në Shqipëri aktivizohet edhe për disa vite tek ekipi ku u formua si futbollist, Elbasani, por edhe tek Flamurtari dhe Kamza.
Momenti më i bukur në karrierë është një gol i shënuar me verdheblutë në kupat e Europës, por që për fatin e keq nuk vendosi kualifikimin.
Pasi largohet nga futbolli, Dalipi merr rolin e zv.trajnerit tek ekipi i Partizanit.
“Gjatë kohës që kam qenë zv,trajnerë kam punuar me shumë trajnerë dhe kam mësuar shumë nga ata. Ku mund të përmend Shpëtim Duron, Hasan Likën, Sulejman Starovën, Agostinellin, Sormanin, Iulianon dhe Márcio Sampaion,”- vazhdon Dalipi.
Punon me shumë trajnerë të ndryshëm dhe mëson shumë nga ata. Ndërsa 2018-a do të jetë shansi i tij i artë që të marrë në duar Partizanin, një ëndërr e bërë realitet.
Partizani është duke kaluar një moment të vështirë edhe këtë vit, pasi historia vazhdoi dhe kreu i pankinës u ndërrua disa herë.
“Partizani është duke kaluar një moment të vështirë. Bashkë me lojtarët dhe drejtuesit kemi bërë një pak, objektivi që ne duhet të arrijmë janë Kupat e Europës”, shprehet Dalipi.
TIRANA TODAY
