Braziliani Robinho në një intervistë për FourFourTwo ka folur për periudhën e tij në Madrid dhe për mënyrën si u largua nga aty. Për brazilianin ishte një ëndërr e bërë realitet, pasi ishte në një moshë shumë të re dhe do të luante krah Ronaldos, Zidane dhe Raul. Por nga të gjithë yjet e Real Madridit Robinho veçon Beckham.
Arritja në Madrid
”Arritja në Madrid ishte një ëndërr e bërë realitet. Nuk mund ta besoja herën e parë. Isha shumë i ri dhe nuk mund të gjeja dollapin tim, ata më trajtuan në mënyrën më të mirë të mundshme. Isha një fëmijë dhe ata më ndihmonin mua.”
Debutimi me Madridin
”Debutimi me Madridin ishte gjenial. Isha i etur të luaj me Ronaldo, Zidane dhe Raul. Nuk mund të prisja. Ishte perfekte. Kur mora topin e parë, e driblova një lojtar të Cadizit dhe pastaj fillova të godisja. Ishte një debutim ëndrrash. Shkova në Madrid vetëm disa ditë më parë por isha një fëmijë i vendosur për të luajtur.”
Raportet me Beckham
”Beckham ishte gjithmonë i mirë me brazilianët. Ishte pjesë e grupit tonë. Në fakt kishte pak zili në mesin e spanjollëve, sepse ai kishte më shumë lehtësi tw fliste portugalishten sesa spanjishten dhe kalonte shumë kohë me ne. Ai është shumë i përulur. Mund të them se është lojtari më me këmbë në tokë nga të gjithë lojtarët që kam njohur. Është i mrekullueshëm.”
Largimi nga Reali
”Nuk pendohem se si u largova nga Real Madridi, por si ndodhi kjo, pasi që Real Madridi ishte klubi që më hapi dyert dhe më dha mundësinë për të luajtur në Europë. Kam luftuar për t’u larguar dhe për të harruar kujtime e gjërave të mëdha që kam bërë për ekipin. I kam ndihmuar ekipit të fitojë Ligën dhe mendoj se kam luajtur mirë.
Arritja e mundshme në Chelsea dhe ‘zemërimi’ i Realit
”Objektivi im ishte Chelsea. Scolari më tha që mund të bëja diferencën në ekipin e tij. Por Real Madridi ishte i zemëruar me Chelsean pasi ata shisnin fanella me emrin tim para se të përfundonte marrëveshja. Jam i sigurt se ky gabim ishte një nga arsyet pse transferimi në Angli dështoi, pasi ishte një çështje krenarie për Real Madrid. Unë shkova në një klub të mrekullueshëm që më pritën në mënyrën më të mirë. Kam gëzuar gjithashtu 1 vit e gjysmë në City, edhe pse qyteti ishte më i ftohtë se në Madrid.”
