Historia mes Cristiano Ronnaldos dhe Irina Shayk që zgjati për rreth katër vite, tashmë ka tre vite që ka përfunduar. Ylli portugez ka filluar një jetë të re me Georgina Rodriguez, ndërsa top modelja ruse me aktorin Bradley Cooper, me të cilin ka pasur një djalë marsin e vitit të kaluar.
“The Sun” ka publikuar një artikull të bazuar te një dëshmi e njërit prej miqve të futbollistit, i cili ka zbuluar se Ronaldo është xheloz për Irinën: “Ronaldo është akoma i dashuruar me të, i vjen keq për mënyrën sesi përfundoi historia e tyre dhe shqetësohet për jetën e saj. Nuk mendonte kurrë se ajo do të largohej”.
Sipas të përditshmes britanike, prishja e lidhjes mes të dyve ka ndodhur për shkak se në atë moment Cristiano nuk donte një fëmijë tjetër, por Irina po. Ndërkohë, Cristiano ka zgjeruar familjen e tij me Georgina Rodriguez, nga lidhje me të cilën ka lindur Alana Martina në nëntor (pas binjakëve Eva dhe Mateo, të lindur nga një shtatzëni surrogate).
