Juventusi pak ditë më parë arrit të transferonte Cristiano Ronaldon për një shumë rekord në kampionatin Italian. Po kjo blerje nuk do të jetë pa pasoja dhe mesa duket do të jetë sërish Juventusi ai që do të paguaj. Në Torino u mendua se portugezi do të formonte sulmin me Gonzalo Higuain, pasi të dy kanë treguar se merren vesh shumë mirë që nga koha kur luanin në Madrid.
Po kjo nuk do të ndodhë, pasi pikërisht bomberi argjentinas do të jetë i sakrifikuari për të mbuluar shpenzimet e transferimit të portugezit. Higuain flitet se është shumë pranë kalimit tek Chelsea. Futbollisti duket se është i gatshëm tu bashkohet londinezëve dhe ka dhënë “OK”, pasi atje do të bashkohet edhe me ish-trajnerin Mauricio Sarri.
Por deri tani ka një diferencë në çmim, pasi Chelsea nuk është i gatshëm të paguaj 55 milionë euro sa kërkon Juventusi. Ndërsa vetë lojtari duket se nuk do të shkëputet aq lehtë nga bardhezinjtë, pasi kërkon që të marrë një dëmshpërblim të majmë nga italianët pas prishjes së kontratës. Tek Chelsea Higuain kërkon të fitojë rreth 7 milionë euro në sezon.
