Ylli portugez, Cristiano Ronaldo pasi iu bashkua Juventusit i ka paraqitur edhe disa kërkesa për lojtarët që do të dëshironte të kishte në skuadër. Duke pasur parasysh moshën që kanë lojtarët që po kërkojnë bardhezinjtë në këtë merkato, objektivi duket i qartë, për të fituar Champions League.
Mediat italiane raportojnë se Ronaldo iu ka kërkuar drejtuesve të Juves se ata duhet të nënshkruajnë me qendërmbrojtësin e Atletico Madridit. Bëhet fjalë për uruguaianin Diego Godin, i cili duket si një operacion mjaft i vështirë për kampionët e Italisë. CR7 e njeh mjaft mirë Godinin, pasi është përballur disa herë ndër vite me të dhe beson se do ti jepte shumë siguri prapavijës së Juventusit.
Diego Godin ka zhvilluar një Botërorë fantastik me Uruguain dhe ishte pikërisht ai që eliminoi Portugalinë dhe Ronaldon në fazën me eliminim direkt. Por që të shkëpusësh Godin nga Madridi duket mjaft e vështirë, pasi ai është një faktor kyç në skemat e Diego Simeones.
